phases

Saturday, March 24, 2007

الدايرة


يا دنيا دايرة و في يوم هقول عليا جت
وبكرة هدفع بالفوايد تمن اللي خدت
يا دنيا كورة دايرة بينا
جايبة عالينا وطينا
مرة اللي تحت يبقي فوق
ومرة اللي فوق بيقي تحت


متربسة ترباس كبير
متيبسة زي الحجر
متلبسة بجنازير
و مكربسة حال البشر


لسانك مبيدخلش بقك
ورافعة حاجب ومنزلة
اخوه ومقفلة
وواخدة حقك


متاهة فيها مليون طريق
وكل طريق باسم واحد
وكل واحد ماشي في طريق
وطريقه سايبه لأي واحد



دنيا مهرجلة و احنا الهرجلة
عشقنا السك و البهدلة
والتنبلة
وياه عالمهزلة
دي كف مين؟؟في عين هنا
ومخ مرمي في المزبلة


الطوق بقي ضيق قوي

وقطر الدايرة بقي صفر

..................

ياراجل
ربنا عالظالم والقوي
ونموت نموت
وتحيا مصر


Labels:

posted by sporeforminghuman at 12:30 PM

1 Comments:

دوله الظلم ساعه و دوله الحق الي قيام الساعه
تحياتي لكي

March 27, 2007 at 3:22 PM  

Post a Comment

<< Home